જો તમારું એકાઉન્ટ પણ એક્સિસ બેંકમાં છે, તો આ સમાચાર તમારા માટે કામના છે. તમારે આ સમાચાર સંપૂર્ણ વાંચવા જોઈએ. એક્સિસ બેંકે તેના ગ્રાહકોને ઝટકો આપતા સેવિંગ્સ એકાઉન્ટ પર સર્વિસ ચાર્જમાં વધારો કર્યો છે. આ અસર તમામ ગ્રાહકો પર પડશે. બેંકનો આ નિયમ 1 જૂનથી લાગુ થશે. બેંકે ખાતામાં જાળવવા માટે લઘુત્તમ બેલેન્સની મર્યાદા પણ વધારી દીધી છે. જો તમે વધેલી બેલેન્સ જાળવી શકતા નથી, તો માસિક સર્વિસ ચાર્જ પણ પહેલા કરતા વધુ ચૂકવવો પડશે.
Axis Bankના લોકો માટે ખરાબ સમાચાર, 1લી જૂનથી બદલાશે આ નિયમ; વધુ ચૂકવણી કરવી પડશે
જો તમારું એકાઉન્ટ પણ એક્સિસ બેંકમાં છે, તો આ સમાચાર તમારા માટે કામના છે. તમારે આ સમાચાર સંપૂર્ણ વાંચવા જોઈએ. એક્સિસ બેંકે તેના ગ્રાહકોને ઝટકો આપતા સેવિંગ્સ એકાઉન્ટ પર સર્વિસ ચાર્જમાં વધારો કર્યો છે. આ અસર તમામ ગ્રાહકો પર પડશે. બેંકનો આ નિયમ 1 જૂનથી લાગુ થશે. બેંકે ખાતામાં જાળવવા માટે લઘુત્તમ બેલેન્સની મર્યાદા પણ વધારી દીધી છે. જો તમે વધેલી બેલેન્સ જાળવી શકતા નથી, તો માસિક સર્વિસ ચાર્જ પણ પહેલા કરતા વધુ ચૂકવવો પડશે.
મિનિમમ બેલેન્સ 15 હજારથી વધીને 25 હજાર
બેંક દ્વારા જારી કરવામાં આવેલા નોટિફિકેશનમાં કહેવામાં આવ્યું છે કે સેવિંગ્સ/સેલેરી એકાઉન્ટના ટેરિફ સ્ટ્રક્ચરમાં 1 જૂન, 2022થી ફેરફાર કરવામાં આવી રહ્યો છે. શહેરો અને ગ્રામીણ વિસ્તારોમાં માસિક લઘુત્તમ બેલેન્સ 15,000 રૂપિયાથી વધારીને 25,000 રૂપિયા કરવામાં આવ્યું છે. આ સિવાય ઓટો ડેબિટ સક્સેસ ન મળવાની પેનલ્ટી પણ વધારી દેવામાં આવી છે. આ 1લી જુલાઈથી લાગુ થશે.
રૂ.600 માસિક સર્વિસ ચાર્જ
જો એક્સિસ બેંકના ગ્રાહકો ખાતામાં મિનિમમ બેલેન્સ જાળવી શકતા નથી, તો વધુ સર્વિસ ચાર્જ ચૂકવવો પડશે. મેટ્રો અને શહેરી વિસ્તારો માટે મહત્તમ માસિક સર્વિસ ચાર્જ હવે 600 રૂપિયા રહેશે. અર્ધ-શહેરી વિસ્તાર માટે 300 રૂપિયા અને ગ્રામીણ વિસ્તારો માટે 250 રૂપિયા હશે.
આવો દંડ ઓટો ડેબિટની નિષ્ફળતા પર વસૂલવામાં આવશે
નેશનલ ઓટોમેટેડ ક્લિયરિંગ હાઉસ (NACH) ના નિષ્ફળતાના કિસ્સામાં, ફી વધારીને 500 રૂપિયા કરવામાં આવી છે. આ અંતર્ગત પહેલીવાર 375 રૂપિયા, બીજી વખત 425 અને ત્રીજી વખત 500 રૂપિયા ચૂકવવા પડશે. ઓટો ડેબિટ ફેલ્યોર પરના ચાર્જમાં પણ 50 રૂપિયાનો વધારો થયો છે અને તે 200 રૂપિયાથી વધીને 250 રૂપિયા થઈ ગયો છે.
ચેકબુક માટે વધુ પૈસા ચૂકવવા પડશે
હવે જો તમે બેંકમાંથી ચેકબુક ઈશ્યુ કરો છો, તો તમારે તેની પણ વધુ કિંમત ચૂકવવી પડશે. બદલાવ બાદ ચેકબુક દીઠ પત્તાની કિંમત 2.50 રૂપિયાથી વધારીને 4 રૂપિયા કરવામાં આવી છે. આ ફેરફાર પણ 1 જુલાઈથી લાગુ થશે. ભૌતિક વિગતો અને ડુપ્લિકેટ પાસબુક ફી માટે 75 રૂપિયાને બદલે હવે 100 રૂપિયા ચૂકવવા પડશે. આ ફેરફાર પણ 1 જુલાઈથી લાગુ થશે.