ભરૂચ જિલ્લાના ત્રણ અલગ અલગ પોલીસ સ્ટેશનના પ્રોહીબીશનના ગુનામાં છેલ્લા આઠ માસથી સી.આર. પી.સી કલમ 70 મુજબના ધરપકડ વોરંટના નાસતા ફરતા આરોપીને ભરૂચ એલસીબીએ ઝડપી પાડીને કાયદેસરની કાર્યવાહી હાથ ધરી છે.
અંકલેશ્વર તાલુકા પોલીસ સ્ટેશન અને અંકલેશ્વર શહેર પો.સ્ટે ભરૂચ શહેર એ-ડિવિઝન પોલીસ સ્ટેશનમાં નાસતો ફરતો આરોપી આકાશ અનીલભાઇ પટેલને પકડી પાડવા નામદાર કોર્ટ તરફથી સી.આર.પી.સી કલમ 70 મુજબનું ધરપકડ વોરંટ ઇસ્યુ કર્યું છે. તે હાંસોટ કંટીયાજાલ રોડ ઉપર આવેલા મંદીરે દર્શન કરવા આવેલો. જેની માહિતીના આધારે આજરોજ વોન્ટેડ આરોપીને હાંસોટ ખાતેથી ઝડપી પાડી CRPCની સલગ્ન કલમ મુજબ કાયદેસર કાર્યવાહી કરી વધુ તપાસ અર્થે હાંસોટ પોલીસ સ્ટેશન ખાતે સોપવામાં આવ્યો છે.