અંક્લેશ્વર ટ્રકના કેબીનના ચોરખાના માંથી વિદેશી દારૂનો જથ્થા સાથે બે ઝડપાયા
ભરૂચ જીલ્લામાંથી દારૂ/જુગારની ગેરકાયદેસરની પ્રવુત્તિ નાબુદ કરવા આજરોજ ભરૂચ એલ.સી.બી ના પોલીસ ઇન્સ્પેક્ટર કે.ડી.મંડોરા સાહેબ નાઓના માર્ગદર્શન હેઠળ ભરૂચ એલ.સી.બી ની ટીમ અંક્લેશ્વર વિસ્તારમા પટ્રોલીંગમા હતી. દરમ્યાન બાતમી મળેલ કે અંક્લેશ્વર ને.હા. નં-૪૮ ઉપર અંક્લેશ્વર થી ભરૂચ તરફ જવાના હાઇવે રોડની બાજુમા આવેલ હિલ્ટન હોટલ ની આગળના ભાગે આવેલ પાકીંગમા ટ્રક નં GJ-14-X-8672 પાર્ક કરી મુકેલ છે જે ટ્રકમાં દારૂનો જથ્થો ભરેલ છે.
જે બાતમી આધારે એલ.સી.બી ટીમે હોટલ હિલ્ટન પ્લાઝા માં આવેલ પાર્કીંગમા તપાસ કરતા ટ્રક નં GJ-14-X-8672 સાથે બે ઇસમો મળી આવેલ જે ટ્રકમાં ચેક કરતા ટ્રકના કેબીનમાં બનાવેલ ચોરખાના માંથી વિદેશી દારૂ તથા બિયરના અલગ-અલગ બ્રાન્ડના કુલ બોટલો નંગ- ૯૬૯ કી.રૂ ૨.૪૫.૦૦૦/- તથા ગોળની પેટી નંગ ૧૭૬૬ કિ રૂ ૫.૭૫.૯૦૦ ટ્રક નં GJ-14-X-8672 કિ.રૂ ૭.૦૦.૦૦૦/- તથા મોબાઇલ નંગ ૦૨ કિ રૂ ૫૫૦૦/- મળી કુલ રૂ.૧૫.૨૬.૪૦૦/- નો મુદ્દામાલ જપ્ત કરી પકડાયેલ બ6ન્નેવ ઇસમો રાકેશભાઇ રામજીભાઇ મકવાણા રહે મફતીયાપરા પાણીની ટાંકીની બાજુમાં સાવરકુંડલા રોડ તા.જી.અમરેલી, હીતેષભાઇ ધનજીભાઇ મકવાણા રહે બારપરા સરમારીયાચોક જુનો ધારી રોડ તા.જી અમરેલી તથા દારૂ નો જથ્થો મંગાવનાર ઇસમ વિરૂધ્ધમા અંક્લેશ્વર શહેર પો.સ્ટે.મા ગુનો રજીસ્ટર કરવા સાથે લલીતભાઇ ગોવિંદભાઇ દાફડા રહે દાસજીવન સોસાયટી જેસર રોડ સાવરકુંડલા જી અમરેલીને વોન્ટેડ જાહેર કરી કાયદેસર કાર્યવાહી હાથધરી છે.
