ભરૂચ અંકલેશ્વર ને જોડતા નર્મદા મૈયા બ્રિજ પર કેટીએમ બાઈક પર એક યુવાન સ્ટંટ કરતો વિડીયો વાયરલ થયો હતો જેમાં તે તેની બાઈકનું પાછળનું ટાયર હવામાં અધર કરી આગળના ટાયર પર બાઇક ચલાવતો જણાયો હતો.જેનો વીડિયો સોશિયલ મીડિયામાં વાયરલ થયો હતો.જે બાબતની તપાસ ભરૂચ સી ડિવિઝન પોલીસે કરતા બાઇક ચલાવનાર યુવાનોનું નામ અરશદ ઉસ્માન હાફેજી સુલેમાન પટેલ અને કરમાડ ગામનો રહેવાસી હોવાનું બહાર આવ્યું હતું.
યુવાને સોશિયલ મીડિયામાં પ્રસિદ્ધિ મેળવવા માટે વિડીયો બનાવ્યો હતો તેમ જ તેણે લોકોનો જીવ પણ જોખમમાં મુકાય તે રીતે વાહન હંકારીઓ હોવાની કબુલાત કરી હતી.આ ઘટના માં પોલીસે આરોપી ધરપકડ કરી કાયદેસરની કાર્યવાહી હાથ ધરી છે. આરોપીની ગુનાના કામે ધરપકડ કરી નામદાર કોર્ટ માં રજૂ કરતાં નામદાર કોર્ટે સદર આરોપીની જામીન અરજી નામંજૂર કરી આરોપી ને જિલ્લા સબ જેલ ભરૂચ ખાતે મોકલી આપેલ છે.